A Unidade de Vixilancia e Transferencia Tecnolóxica da Fundación Fomento Calidade Industrial e desenvolvemento tecnolóxico de Galicia  ten un catálogo de servizos moi amplo no ámbito da Vixilancia Tecnolóxica. A través da Rede Neurona ofrece de forma gratuíta para os grupos de traballo das plataformas tecnolóxicas galegas a elaboración de informes de vixilancia tecnolóxica.

A través deste servizo, a Rede Neurona canalizará as necesidades de vixilancia tecnolóxica detectadas no voso grupo de traballo.

Nun prazo máximo de dous días poñerémonos en contacto con vós para informarvos sobre o estado da vosa consulta. Poderedes tamén consultar o avance do estado da vosa solicitude a través da web.

A metodoloxía de traballo para a posta en marcha do servizo será a seguinte:

1. Cada grupo de traballo de cada plataforma poderá solicitar, ao longo dos meses comprendidos entre xaneiro e marzo do ano 2009, un informe tecnolóxico, de intelixencia ou de mercado. As características concretas destes informes inclúense no documento adxunto.
2. Cada grupo de traballo de cada plataforma poderá solicitar, ao longo dos meses comprendidos entre abril e xuño do ano 2009, un segundo informe tecnolóxico, de intelixencia ou de mercado.
3. A petición de información se realizará a través da web polos membros dos grupos de traballo das plataformas.
4. Durante o proceso de elaboración do informe e de forma puntual, a Unidade solicitará o apoio da plataforma tecnolóxica para a validación e correcto desenvolvemento da documentación.
   1. En primeiro lugar, para concretar cos expertos do grupo de traballo da plataforma a “estratexia de busca”, coas palabras clave, mapa de fontes, etc...
   2. De seguido, no momento en que se elabore o borrador do informe, co obxecto de valorar a primeira opinión dos expertos do grupo de traballo da plataforma sobre a idoneidade do mesmo, recibir suxestións e a validación final.
   3. A continuación, e unha vez rematado, a “posta en valor do informe” debe ser realizada polos expertos na materia correspondentes ao grupo de traballo que solicita a información. O propio grupo de traballo debería incluír no informe  un apartado final de conclusións.
5. En calquera caso, os prazos finais se establecerán pola Unidade de Vixilancia e Transferencia Tecnolóxica de xeito concreto  para cada solicitude.